شوفو الشعر من مدينة طرابلس..

مسألة تحدى
حكاوى الغرام بدت مسألة تحدى

مسألة عناد
قداش بنيه عندك يتعاندو الاولاد
معاش سادهم فى بنات الناس سداد
و يا فرحته اللى اليوم رقمه زاد
بديتى بالنسبة ليهم رقم تنعدى
يمشى بيك الوقت ايامات الكساد
ولما يهرب عليه النوم بيك يعدى
باقى الليلة .. مدايره ميعاد

مسألة تحدى
مش كل من قال نحبك عليه تردى
ولا كل من تبسملك ليه تهدى
منهم اللى ورا شياطينهم منقاد
يتجارو وراك طامعين تشدى
حاطينك فى بالهم مزاد
اللى يدفع اكثر معاه تعدى
و تكثر عليه دوة الحساد
حاكم فيك يرفعك و يودى
انتى الغزالة وصادك الصياد

مسألة تحدى
وكان جاك واحد منهم طول اعطى الردى
ماتفكرى بكل و ديما صدى
لا تقولى نقابله بودى
ويغرك بكلام بن شداد
ولا فى يوم تقول خلنى نهدى
بعدها تتمنى هاليوم ماينعاد
ولو يوم نقص بينك وبينه الودى
يجرى بيك و تقعدى فى سيادته تتجدى
وهو حاس روحه سيد الاسياد
و دمعتك يا مسكينة فوق الخدى
تغمى فى عبرتك تحت المخاد
يقيم خشمه عليك و انتى انهدى
و اللى نقص منك عنده زاد
يشوف فيك زى غيرك تجى و تعدى
و انتى عايشه فى حداد
و معدنه هالنوع ديما مصدى
مايملا عينه الا الرشاد

مسألة تحدى
اللى عنده كلام نسمعه فى الردى
انى عارف توا كارهينى الاولاد
يسحابونى نقسى فى قلوب البنات..لا ياودى
اللى تحبه لروحك وده لباقى العباد
ان شاء الله ربى للنفوس يهدى
وكل صاحب دين فى الاخر لدينه سداد

» علاج تساقط الشعر
» للقضاء علي قشره الشعر
» تعلمي طريقه صبغ الشعر
» كلام في الشعر وقصيدتان
» ....«..... تيسير وزن الشعر الشعبي ....» ....